Faigh a-mach mu bheatha dhìomhair bhitheagan a tha annainn, a tha oirnn agus a tha timcheall oirnn.

Ann an Daoine: Buffet ‘Ith do leòr’, sheall sinn dhut cuid de na bacteria a tha a’ fàs ann agus oirnn. Ach gu follaiseach, chan fhaic sinn iad, tha iad microscopach!

Ann an saor-làithean samhraidh 2019, aig ar Superbugs Bùth Saidheans Pop-Up , dh’ iarr sinn air daoine a h-uile seòrsa de phàirtean bodhaig a shlaodadh, gus am fàsadh sinn suas na bacteria a bh’ aca orra.

Ghabh sinn sampallan bho shròinean, teangannan, sgòrnan, fiaclan is cluasan chloinne is phàrantan. Bho aghaidhean, làmhan, falt, putanan bolg agus armpits. Bho fhònaichean-làimhe, fàinneachan, wellies, an làr agus bogsa sgudail cat.

Chuir sinn na suabaichean air pleitichean agar – ’s e sin pleitichean-silidh a tha loma-làn den mhathachas a bhios bacteria ag ithe. Leig sinn leotha fàs an uair sin anns an deuchainn-lann againn agus thog sinn dealbhan den bhacteria agus den chlòimh-liath a dh’fhàs anns an ath 1-2 latha!

Mar sin chì thu gu bheil ar bodhaig agus na tha timcheall oirnn làn de gach seòrsa meanbh-fhàs-bheairtean… Nach eil meanbh-bhitheòlas inntinneach?

Agus beagan gaoch, feumaidh sinn aideachadh. 🤢

*** Cùm sùil airson naidheachd mu thachartasan beò eile le Superbugs agus ’s dòcha gum bi cothrom agad thu fhèin a suabadh! ***

Seall air an earrainn Deuchainnean Dachaigh sa bheil pròtacalan air mar a nì thu na deuchainnean Superbugs agad fhèin.

Cuir thugainn dealbhan de na deuchainnean agus de na toraidhean – an fheadhainn a dh’obraich gu math agus an fheadhainn nach do dh’obraich idir, idir!